Dylunio a Thechnoleg (TAR Uwchradd - Graddedigion yn unig)

Course Overview

Paratowch am yrfa ddeinamig a boddhaus gyda’n cwrs TAR Uwchradd Dylunio a Thechnoleg. Yn rhan o’n rhaglen Addysg Gychwynnol Athrawon (AGA), mae’r cwrs hwn yn rhoi i chi’r sgiliau a’r arbenigedd sydd eu hangen i ennill Statws Athro Cymwysedig (SAC) ac ysbrydoli’r genhedlaeth nesaf o ddylunwyr, peirianwyr ac arloeswyr. Byddwch yn datblygu’r gallu i addysgu agweddau craidd Dylunio a Thechnoleg, gan gynnwys dylunio cynnyrch, defnyddiau gwrthiannol, systemau a rheolaeth, a thechnoleg bwyd. Mae’r cwrs yn cyfuno dysgu yn y brifysgol â phrofiad ymarferol, gan sicrhau eich bod yn ennill y wybodaeth ddamcaniaethol a’r sgiliau addysgu ymarferol sydd eu hangen ar gyfer llwyddiant yn yr ystafell ddosbarth. Bydd lleoliadau mewn ystod o ysgolion, gan gynnwys lleoliadau trefol, gwledig a chyfrwng Cymraeg, yn darparu profiad gwerthfawr o’r ystafell ddosbarth. Bydd y lleoliadau hyn yn eich helpu i fireinio’ch strategaethau addysgu, deall sut i addasu gwersi ar gyfer dysgwyr gwahanol, a datblygu hyder wrth gyflwyno gwersi diddorol a chynhwysol. Mae’r rhaglen hefyd yn pwysleisio sgiliau addysgu hanfodol, megis rheoli dosbarth, cynllunio’r cwricwlwm a dulliau asesu effeithiol. Drwy gydol eich lleoliadau ysgol, byddwch yn derbyn cymorth mentora a phroffesiynol, gan ganiatáu i chi ddatblygu dull addysgu sy’n adfyfyriol a seiliedig ar ymchwil. Erbyn diwedd y cwrs, byddwch yn barod i ysbrydoli eich myfyrwyr i ddangos creadigrwydd a datrys problemau, gan roi iddynt y sgiliau a’r wybodaeth sydd eu hangen arnynt ar gyfer dyfodol wedi’i siapio gan dechnoleg a dylunio. Mae Llywodraeth Cymru wedi nodi Dylunio a Thechnoleg yn bwnc blaenoriaeth uchel, ac mae bwrsariaethau o hyd at £15,000 ar gael i gefnogi eich hyfforddiant. Cymhelliant Addysg Gychwynnol Athrawon ar gyfer Pynciau â Blaenoriaeth: canllawiau i fyfyrwyr 2024 i 2025 | LLYW.CYMRU

Tuition Fees & Funding

Fees shown are for current entry. Fees may increase annually in line with inflation.

Graduate Outcomes

Based on official HESA Graduate Outcomes survey data

National Student Survey (NSS) results — undergraduate final-year students only

National Student Survey via Discover Uni.

Frequently Asked Questions